Ураджай збожжа ў Беларусі ў гэтым годзе склаў не менш за 10,3 млн т

"Паводле аператыўнай інфармацыі, у сельскагаспадарчых арганізацыях і фермерскіх гаспадарках у 2020 годзе намалочана 9,4 млн т збожжа ў бункернай вазе, што на 1,5 млн т больш за мінулагодні рэзультат (119 працэнтаў да ўзроўню 2019 года)", - расказалі ў прэс-службе.

Ва ўсіх рэгіёнах намалоты перасягнулі рубеж у памеры 1 млн т. Мінская вобласць дасягнула паказчыка 2,4 млн т, а самая высокая прыбаўка - у Магілёўскай вобласці (144 працэнты да ўзроўню 2019 года). Сярэдняя ўраджайнасць склала 39,4 ц/га (рост на 4,8 ц/га). Найбольшая ўраджайнасць збожжавых і зернебабовых культур традыцыйна ў Гродзенскай вобласці (49,6 ц/га). Сярод раёнаў лідарам стаў Гродзенскі (78,5 ц/га).

Рапсу намалацілі 831,1 тыс.т (121 працэнт да ўзроўню 2019 года) пры сярэдняй ураджайнасці 23,9 ц/га (плюс 3,5 ц/га да мінулагодняга паказчыка). "Разам з рапсам чакаецца атрымаць ва ўсіх катэгорыях гаспадарак у бункернай вазе не менш за 10,3 млн т збожжа", - адзначылі ў прэс-службе.

Сяўба азімых збожжавых культур на зерне праведзена на плошчы 1,453 млн га (103 працэнты да ўзроўню 2019 года), азімых крыжакветных - на 395,4 тыс. га (98 працэнтаў у параўнанні з мінулым годам).

Па матэрыялах сайта БЕЛТА.