Сумесную акцыю "Белая Русь" — за бяспеку дзяцей на дарогах" правялі Ваўкавыска раённая арганізацыя РГА "Белая Русь" разам з міжраённым аддзелам Дзяржаўтаінспекцыі

13 першакласнікаў зацікаўлена слухалі сваіх гасцей — намесніка старшыні раённага аб’яднання РГА "Белая Русь" Людмілу Дзямешчык і дзяржаўтаінспектара МРА Дзяржаўтаінспекцыі РАУС Сяргея Вараб’я аб тым, як не патрапіць у аўтааварыю, як правільна пераходзіць дарогу, як арыентавацца на светлафор і яшчэ пра многае іншае. Заняткі праводзіліся ў форме гульні-віктарыны, а дзеці шчыра і зацікаўлена адказалі на пытанні. Двое хлапчукоў нават прызналіся, хто хацелі б стаць міліцыянерамі.

Напрыканцы арганізатары акцыі ўручылі першакласнікам сувенірныя атрыбуты дзяржаўнай сімволікі і фірменныя шалікі "Белай Русі".