Галоўчанка: фінансавы стан арганізацый рэальнага сектара эканомікі паляпшаецца

Фінансавы стан арганізацый рэальнага сектара эканомікі паляпшаецца. Аб гэтым заявіў прэм'ер-міністр Беларусі Раман Галоўчанка ў час пасяджэння Савета Міністраў, перадае карэспандэнт БЕЛТА. Тэмп росту ВУП Беларусі ў студзені-красавіку склаў 102,5 працэнта. "Добры вынік сфарміраваны ў прамысловасці - 111 працэнтаў. Паступова фарміруецца пазітыўная дынаміка ў сельскай гаспадарцы - 99,7 працэнта, дадалі 0,2 працэнтнага пункта да студзеня-сакавіка. Нядрэнна дабавілі ў аптовым тавараабароце (плюс 6,1 працэнтнага пункта) і грамадскім харчаванні (плюс 14,8 працэнтнага пункта). Гэтыя паказчыкі характарызуюць паступовае аднаўленне ад кавідных абмежаванняў", - падкрэсліў Раман Галоўчанка. Паводле яго слоў, пры росце прамысловай вытворчасці зніжаецца ўзровень складскіх запасаў. Яго суадносіны з сярэднемесячным аб'ёмам вытворчасці на 1 мая склалі 59 працэнтаў. Паводле даных на красавік, былі 61,2 працэнта. "У цэлым паляпшаецца фінансавы стан арганізацый рэальнага сектара эканомікі. Чысты прыбытак перасягнуў Br3,3 млрд, пры тым што ў першым квартале мінулага года мы мелі чыстую страту ў памеры Br5 млрд. Сума чыстай страты арганізацый скарацілася больш як у 10 разоў, зменшылася іх колькасць", - адзначыў прэм'ер-міністр. Сітуацыя на валютным рынку за чатыры месяцы бягучага года характарызуецца чыстым прапанаваннем з боку суб'ектаў гаспадарання. "Дадатнае сальда па куплі і продажы склала каля $215 млн. Абавязацельствы ўрада ў замежнай валюце выкананы своечасова і ў поўным аб'ёме. Пры гэтым золатавалютныя рэзервы краіны за красавік павялічыліся на $338 млн і на 1 мая склалі $7,3 млрд. Захоўваецца ўстойлівая тэндэнцыя ўмацавання курса беларускага рубля", - дадаў Раман Галоўчанка. Па матэрыялах сайта БЕЛТА.