Качанава: рэспубліканскі і мясцовыя бюджэты - ключавое звяно ў рабоце ўсіх органаў улады

Рэспубліканскі і мясцовыя бюджэты - ключавое звяно ў рабоце ўсіх органаў улады, заявіла ў час выязнога пашыранага пасяджэння Прэзідыума Савета Рэспублікі на тэму "Аб прапануемых мерах па забеспячэнні збалансаванасці рэспубліканскага і мясцовых бюджэтаў у 2021 годзе" спікер верхняй палаты парламента Наталля Качанава, перадае карэспандэнт БЕЛТА. "Пытанне вельмі актуальнае, асабліва ў канцы года, калі нас чакае работа па зацвярджэнні бюджэту на 2021 год. Зусім нядаўна гэта пытанне было разгледжана на нарадзе ў Прэзідэнта. І наша выязное пасяджэнне Прэзідыума Савета Рэспублікі - лагічны працяг той тэмы, якая была агучана кіраўніком дзяржавы", - расказала Наталля Качанава. Спікер адзначыла, што рэспубліканскі і мясцовыя бюджэты - ключавое звяно ў рабоце ўсіх органаў улады. "Мы разумеем, што ад таго, як будзе сфарміраваны бюджэт, залежыць рэалізацыя той сацыяльнай палітыкі, якую праводзіць наша дзяржава. І ў мясцовых бюджэтах, і ў рэспубліканскім значную ролю займае фінансаванне сацыяльнай сферы. Для нашай краіны гэта важна, таму што мы сацыяльна арыентаваная дзяржава, дзе прыярытэт заўсёды аддаваўся і аддаецца людзям, павышэнню іх дабрабыту", - сказала яна. Наталля Качанава падкрэсліла, што Прэзідэнтам пастаўлена задача захаваць усе сацыяльныя гарантыі ў 2021 годзе. "І, вядома, калі мы прырасцём - гэта будзе выдатна. Таму ад таго, як будзе правільна сфарміраваны рэспубліканскі бюджэт і мясцовыя бюджэты на 2021 год, - залежыць паспяховая работа ўсіх органаў улады і, зразумела, дабрабыт нашых грамадзян. Таму мы сёння гэта пытанне вынеслі на абмеркаванне", - дадала яна. У выязным пашыраным пасяджэнні прынялі ўдзел прадстаўнікі Міністэрства фінансаў, абласных і раённых саветаў дэпутатаў. "Збалансаванасць бюджэту - гэта адно з самых важных пытанняў для развіцця краіны, - адзначыла старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец. - Па выніках абмеркавання мы выпрацавалі канкрэтныя прапановы і напрамкі нашай далейшай работы з Міністэрствам фінансаў. Улічваючы, што Савет Рэспублікі з'яўляецца палатай тэрытарыяльнага прадстаўніцтва, для нас вельмі важна, як будуць развівацца рэгіёны. Таму асноўны акцэнт на пасяджэнні быў зроблены на развіцці рэгіёнаў, на тым, каб усе запланаваныя расходы былі забяспечаны крыніцамі фінансавання. У праекце рэспубліканскага бюджэту неабходныя для гэтага фінансавыя інструменты (датацыі) прадугледжаны. Такім чынам, бюджэты рэгіёнаў на 2021 год збалансаваны. Пры гэтым захаваецца сацыяльная накіраванасць іх расходаў". Па матэрыялах сайта БЕЛТА.