Караеў: людзі на прамых лініях узнімаюць не толькі прыватныя, але і глабальныя тэмы

Прамыя лініі паказваюць, што людзей часта хвалююць не толькі асабістыя, прыватныя пытанні, але больш глабальныя тэмы. Такое меркаванне выказаў 10 снежня журналістам па выніках прамой лініі ў Гродне памочнік Прэзідэнта - інспектар па Гродзенскай вобласці Юрый Караеў, перадае карэспандэнт БЕЛТА. Сёння на прамую лінію паступіла паўтара дзясятка пытанняў. Тэмы зваротаў былі розныя, але разам з традыцыйнымі пытаннямі, якія датычацца, напрыклад, жылля і сістэмы ЖКГ, нямала зваротаў мела больш агульны характар. "Адзначу неабыякавых і актыўных людзей, якіх хвалююць не якія-небудзь прыватныя праблемы, а ў цэлым будучыня і лёс краіны. Такія званкі паступаюць на прамыя лініі рэгулярна. Напрыклад, аднаго з уладальнікаў аграсядзіб хвалюе экалогія. Ён звярнуў увагу на праблемы ў сваім і суседнім раёнах, але прапануе шляхі вырашэння на больш высокім узроўні, выступае з прапановай аб змяненні заканадаўства", - сказаў Юрый Караеў. У час прамых ліній узнімаліся і тэмы развіцця высокіх тэхналогій, удасканалення працоўнага заканадаўства. Усе звароты дадаткова вывучаць. Іншыя звароты разгледзяць не менш уважліва. У прыватнасці, жыхар Гродна выказаўся аб павелічэнні прапускной здольнасці адной з кальцавых развязак горада. Высветлілася, што праблема ўладам рэгіёна вядома, цяпер спецыялізаваныя службы шукаюць рашэнне, найбольш зручнае і бяспечнае для ўдзельнікаў дарожнага руху. Юрый Караеў адзначыў, што чарговы раз на прамую лінію паступіла некалькі званкоў з падзякамі розным спецыялістам за добра выкананую работу, у тым ліку медыкам. Адзін з тых, хто патэлефанаваў, напрыклад, прасіў адзначыць тэрапеўта гарадской паліклінікі за выратаванае жыццё. Па матэрыялах сайта БЕЛТА.