Лукашэнка: нас будуць хістаць вельмі доўга, але я не збіраюся ўставаць на калені

Прэзідэнт Беларусі Аляксандр Лукашэнка сёння на агульным сходзе прадстаўнікоў членаў Беларускага рэспубліканскага саюза спажывецкіх таварыстваў заявіў аб неабходнасці ўмацоўваць эканоміку краіны, каб выстаяць у геапалітычным процістаянні, перадае карэспандэнт БЕЛТА. "Расхаладзіліся: рэвалюцыю выйгралі, цяпер будзем хадзіць адпачываць. Ды не, дарагія мае. Нас будуць хістаць вельмі доўга, пакуль не паставяць на калені. Але я не збіраюся на калені ўставаць. Калі вы хочаце, уставайце, але без мяне, - заявіў Прэзідэнт. - Мы ўжо сваё на каленях адстаялі". "Цяпер трэба гэты кавалачак зямлі адстаяць, як я часта кажу, для нашых дзяцей і ўнукаў. Ім дзявацца няма куды. Не думайце, што яны, калі палякі зоймуць Беларусь (як яны хочуць), усе будуць начальнікамі тут. Трапіце пад бізун, ды яшчэ які. Я гэта ведаю, - падкрэсліў Аляксандр Лукашэнка. - І калі мы ў эканоміцы, у дзейнасці Белкаапсаюза вытрымаем, ніякія санкцыі, ніякія палякі, амерыканцы нам не страшныя. У нас ёсць чым ім адказаць". Кіраўнік дзяржавы адзначыў, што эканоміцы сёння трэба ўдзяляць асаблівую ўвагу. "А ў эканоміцы сёння ў краіне выканальніцкая дысцыпліна. Вы мой характар ведаеце: за мной не заржавее. І паўнамоцтваў у мяне дастаткова, пакуль яшчэ новую Канстытуцыю не прынялі і пакуль я яшчэ Прэзідэнт. Таму трэба пачынаць варушыцца", - дадаў беларускі лідар. Па матэрыялах сайта БЕЛТА.