Лукашэнка зацвердзіў фінансаванне расходаў спецфонду па падтрымцы адораных навучэнцаў і студэнтаў у памеры Br1,1 млн

Кіраўнік дзяржавы Аляксандр Лукашэнка падпісаў распараджэнне, якім прынята рашэнне аб фінансаванні расходаў спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў у 2021 годзе ў памеры Br1,1 млн з рэспубліканскага бюджэту за кошт сродкаў рэзервовага фонду Прэзідэнта Рэспублікі Беларусь. Аб гэтым БЕЛТА паведамілі ў прэс-службе беларускага лідара. Распараджэннем таксама зацверджана рашэнне савета фонду аб заахвочванні 309 навучэнцаў і студэнтаў. Стыпендыі Прэзідэнта Рэспублікі Беларусь назначаны 187 студэнтам і курсантам устаноў вышэйшай адукацыі. Грашовыя прэміі або заахвочвальныя стыпендыі з уручэннем нагруднага знака лаўрэата фонду прысуджаны 64 пераможцам 17-й Міжнароднай Жаўтыкаўскай алімпіяды па матэматыцы, фізіцы і інфарматыцы, Міжнароднага конкурсу экалагічных праектаў навучэнцаў (2020 год), Міжнароднай студэнцкай алімпіяды ў галіне інфарматыкі і праграмавання (2020 год). Грашовымі прэміямі заахвочаны 58 пераможцаў Міжнароднай студэнцкай алімпіяды "Электратэхніка-2020", VIII Міжнароднай алімпіяды па электраэнергетыцы (2020 год), рэспубліканскага конкурсу па асновах прафесійнай падрыхтоўкі сярод навучэнцаў. Распараджэнне Прэзідэнта Рэспублікі Беларусь накіравана на забеспячэнне адраснай дзяржаўнай падтрымкі адораных навучэнцаў і студэнтаў, стварэнне спрыяльных умоў для далейшага развіцця іх здольнасцей і паспяховай вучобы. Па матэрыялах сайта БЕЛТА.