Мінтранс змяніў нормы размеркавання дазволаў на міжнародныя перавозкі

Міністэрства транспарту і камунікацый змяніла нормы размеркавання дазволаў на міжнародныя перавозкі, паведамілі БЕЛТА ў прэс-службе Мінтранса. Сёння, 26 жніўня, уступіла ў сілу пастанова Мінтранса ад 2 ліпеня 2020 года нумар 37. Дакумент уносіць змяненні ў парадак размеркавання, выдачы і выкарыстання дазволаў на праезд транспартных сродкаў, зарэгістраваных у Беларусі, па тэрыторыі замежных дзяржаў пры выкананні міжнародных аўтамабільных перавозак. У прыватнасці, па асобных відах дазволаў, што не падлягаюць размеркаванню, камісія дадаткова можа ўстанавіць абмежаванне па колькасці дакументаў, выдаваемых на працягу каляндарнага года на адзін грузавы транспартны сродак. Дазволы, якія не падлягаюць размеркаванню, неабходна вярнуць у Транспартную інспекцыю на працягу 90 каляндарных дзён з даты выдачы. Прадугледжана, што камісія можа ўстанавіць тэрміны вяртання больш за 90 дзён. Дазвол, які не падлягае размеркаванню, выдаецца перавозчыку толькі пасля вяртання гэтага віду дакумента, па якім настаў тэрмін вяртання. Пастановай таксама вызначаны выпадкі, калі будзе зніжацца колькасць дазволаў, выдаваемых перавозчыку, які вярнуў дакументы нявыкарыстанымі. Больш падрабязна са змяненнямі можна азнаёміцца на сайце Мінтранса. Па матэрыялах сайта БЕЛТА.