У Беларусі намалочана больш за 6 млн т збожжа

У Беларусі намалочана больш за 6 млн т збожжа новага ўраджаю, паведамляе БЕЛТА са спасылкай на афіцыйны Telegram-канал Міністэрства сельскай гаспадаркі і харчавання. На раніцу 20 жніўня збожжавыя і зернебабовыя культуры (без кукурузы, грэчкі і проса) убраны з 1,9 млн га, што складае 94 працэнты запланаванай плошчы. Намалочана каля 6031,6 тыс. т збожжа. Па намалоце лідзіруе Мінская вобласць - больш за 1,5 млн т збожжа, далей ідуць Брэсцкая вобласць - каля 1,2 млн т, Гродзенская - больш за 1 млн т, у Магілёўскай намалочана 834,5 тыс. т, у Гомельскай - 753,5 тыс. т, у Віцебскай - 741,8 тыс. т. Дзяржзаказ па збожжы выкананы на 85,5 працэнта, пастаўлена 710,6 тыс. т. Па матэрыялах сайта БЕЛТА.