У Мінабароны расказалі пра падрыхтоўку да комплекснага вучэння на Гродзенскім тактычным напрамку

У Міністэрстве абароны расказалі аб падрыхтоўцы да комплекснага вучэння на Гродзенскім тактычным напрамку, паведамілі БЕЛТА ў ведамстве. Пры падрыхтоўцы да вучэння ў парашутна-дэсантных, танкавых і мотастралковых падраздзяленнях праводзяцца заняткі па агнявой, тактычнай і інжынернай падрыхтоўцы. Пантонна-маставыя падраздзяленні наводзяць пераправу цераз раку Нёман, зенітныя ракетныя нясуць баявое дзяжурства па ППА. Падраздзяленні 465-й ракетнай і 336-й рэактыўнай артылерыйскай брыгад праводзяць заняткі па прадметах баявой падрыхтоўкі, часткай сіл нясуць баявое дзяжурства па планавых цэлях. У адпаведнасці з планавымі мерапрыемствамі баявой падрыхтоўкі танкавыя і механізаваныя падраздзяленні 11-й асобнай механізаванай брыгады на Абуз-Лясноўскім палігоне праходзяць агнявую падрыхтоўку. На палігоне Барысаўскі з танкавымі падраздзяленнямі 120-й асобнай механізаванай брыгады праводзяцца заняткі па агнявой падрыхтоўцы, ваджэнні баявых машын днём і ноччу. Тут жа механізаваны батальён са сродкамі ўзмацнення 19-й асобнай механізаванай брыгады праводзіць батальённае тактычнае вучэнне з баявой стральбой. У рамках комплекснай праверкі баявой гатоўнасці Узброеных Сіл прадаўжаецца прызыў афіцэраў запасу ў танкавы батальён 11-й асобнай механізаванай брыгады. Авіяцыя прадаўжае палёты для аховы дзяржаўнай граніцы ў паветранай прасторы. Падраздзяленні беспілотных авіяцыйных комплексаў па выкліку і планах камандзіраў брыгад правядуць маніторынг мясцовасці ў раёнах. Падраздзяленні радыёэлектроннай барацьбы выконваюць задачы па разведцы. Па матэрыялах сайта БЕЛТА.