Галоўная / Навiны / Навiны рэгiёна
07.05.2020

Фільм аб вызваленні Гродзенскай вобласці прэзентуюць у ГрДУ імя Янкі Купалы

Студэнты Гродзенскага дзяржаўнага ўніверсітэта імя Янкі Купалы і актыўная моладзь рэгіёна працуюць над фільмам аб вызваленні Гродзенскай вобласці, паведамілі БЕЛТА ў прэс-службе ГрДУ імя Янкі Купалы.

Купалаўскі ўніверсітэт праводзіць віртуальную грамадзянска-патрыятычную акцыю "Дарогамі Перамогі". Праект стане часткай рэспубліканскай акцыі "Беларусь памятае. Помнім кожнага", прысвечанай 75-годдзю Вялікай Перамогі.

Удзельнікі акцыі, сярод якіх студэнты-купалаўцы, прадстаўнікі актыўнай моладзі раённых цэнтраў рэгіёна, разам працуюць над стварэннем тэматычнага відэафільма. Стужка раскажа, як праходзіла вызваленне раёнаў вобласці і Гродна ад нямецка-фашысцкіх захопнікаў. Фільм зманціруюць з асобных відэаролікаў, знятых моладдзю вобласці на фоне памятных месцаў.

Прэзентацыя фільма адбудзецца ў ГрДУ імя Янкі Купалы 8 мая.

"Віртуальная грамадзянска-патрыятычная акцыя "Дарогамі Перамогі" праводзіцца для захавання памяці аб нашых героях, фарміравання ў моладзі актыўнай грамадзянскай пазіцыі і патрыятызму, раскрыцця іх творчага патэнцыялу і ўключэння прадстаўнікоў маладога пакалення ў правядзенне святочных мерапрыемстваў, звязаных з Перамогай савецкага народа ў Вялікай Айчыннай вайне", - адзначылі ў прэс-службе ўніверсітэта.

Акцыя "Дарогамі Перамогі" ініцыявана студэнтамі Гродзенскага дзяржаўнага ўніверсітэта імя Янкі Купалы пры падтрымцы ўпраўлення культуры Гродзенскага аблвыканкама і аддзелаў (сектараў) культуры райвыканкамаў Гродзенскай вобласці.

Па матэрыялах сайта БЕЛТА.